“Wat het gebeur dat jy ook hier beland het?

Dop... dwelms... of wat?” wil ‘n boemelaar by sy tjommie weet.

“Nou waarom is jy ge-fire?” vra Sarie vir Kallie.

“Ek het niks gedoen nie!

My dikgat baas het peanuts gesit en eet, toe vra ek…”

“Ou man, trek asseblief die gordyn toe!

Netnou sien buurman my kaal,” sê die vrou toe sy uit die badkamer kom en haar man antwoord:

“Moenie warrie nie, ou vou…”

Tydens ‘n kerkdiens leun die ondeunde omie na sy vrou en fluister:

“Ek het nou net ‘n sagte windjie gelos.

Nou kyk almal vir my, wat moet ek doen?”

Op ‘n vliegtuig met 3 sitplekke weerskante van die gangetjie, sit twee prokureurs langs mekaar, terwyl ‘n dokter op die derde sitplek langs die paadjie kom sit.

Hy skop sy skoene uit om lekker gemaklik te wees tydens die kort vlug.

Nadat hulle opgestyg het, sê een van die prokureurs dat hy lus is vir ‘n koeldrank en sy kollega besluit hy is ook lus.

Die dokter bied aan om vir hulle aldrie te gaan haal, omdat hy teen die paadjie sit.

Terwyl hy weg is, neem die twee prokureurs sy skoene en spoeg daarin, voor hy kort daarna met ‘n blikkie Coke vir elkeen terugkeer.

Toe die aankondiging later kom dat hulle binnekort gaan land, begin die dokter om sy skoene aan te trek.

Hy besef dadelik wat gebeur het en sê hardop en kamtig verwese:

“Ag nee, manne. Varsity is mos al lankal verby.

Wanneer gaan hierdie onsinnige klipgooiery tussen ons professies dan einde kry?

Ek dink dis hoogtyd dat ons ophou om in mekaar se skoene te spoeg…”

Diep in die hart van Texas kom ‘n staatsbeampte op ‘n ranch, oftewel beesplaas, om vas te stel of werkers genoeg betaal word en ook om eienaars te beboet as hulle sou skuldig wees aan wanbetaling volgens die arbeidswet.

Hy kry die eienaar in die stal, waar hy ‘n perd se seer hoef behandel.

Op sy inspeksievraag, deel die eienaar hom mee:

“Ek het 3 cowboys in diens.

Hulle werk 5 dae per week van 8 tot 5 en kry $1 500 per week, met gratis kos en verblyf ingesluit.

Die kok bly ook verniet en sy kry $1 000 per week.

Dan het ons so ‘n lekker dom bliksem op hierdie plaas…

Ekskuus, meneer.

Dis nou my mooi manier van sê dom *&%$##@!

Jy moet die sucker sien!

Hy is elke uur van die dag aan diens en doen 90% van die werk hier rond.

Ek gee hom nooit verlof of ‘n rusdag nie.

Hy kry so ‘n paar dollar se sakgeld elke Saterdag.

Jy moet kom kyk!

Hy vat daai skille dan is hy met ‘n stink spoed in sy bakkie hier weg dorp toe, en binnekort terug met twee van daai moerse 1,75L bottels Jim Beam whisky.

Ek praat van daai groot menere met die ore aan!

Dan sien ons hom die res van die naweek glad nie.

Ek dink dit gee hom weer krag vir die week wat voorlê.”

“Dis hom!” sê die beampte.

“Dit is die man met wie ek wil praat, hierdie arme dom bliksem.

Waar kry ek hom?”

Dis dit, en daai is daai vir hierdie week.

Werk hard, maar nie so hard dat jou bottels ore aan het nie.

Dit maak jou James Klont, Agent D-00-S 🤫

As mamma raas, gooi jou ore se batterye weg. 😉

Onthou altyd dat 👇

Lekker lag, kos niks?

Groetnis

NS: Braai en ontspan lekker, want jy het mos 'n Dik Wors